ԼՂ կարգավիճակի հարցը նոր սրությամբ և կարևորությամբ պետք է դրվի բանակցությունների հիմքում. Փաշինյան
Վարչապետ Նիկոլ Փաշինյանն իր առցանց ասուլիսում, անդրադառնալով հարցին, թե ո՞րն է բանակցություններում իր սեփական կետը հայտարարեց.
«Պետք է վերլուծենք և ձևակերպենք այն օրակարգը, որ այսօր մենք ունենք այսօրվա իրավիճակի շուրջ, և պետք է սպասարկենք այդ օրակարգը՝ մասնավորապես կենտրոնանալով Լեռնային Ղարաբաղի կարգավիճակի հարցի վրա: Ամենակարևոր խնդիրն այն է, որ ԼՂ ժողովուրդը պետք է ապրի Լեռնային Ղարաբաղում, և Լեռնային Ղարաբաղի կարգավիճակի հարցը մեզ համար նոր սրությամբ և նոր կարևորությամբ պետք է դրվի բանակցային գործընթացի հիմքում»:
