Վազգեն Մանուկյանի կոչին միացած կենդանի «բայրաքթարները» ավելի վտանգավոր են և գործում են գետնին․ Անդրանիկ Քոչարյան
«Ալիևն ասում է՝ զորքը հանեք, որ մենք մտնենք ու ինչ ուզենք՝ անենք։ Ո՞նց եք պատկերացնում զորքը հանենք և մեր բնակչությանը թողնենք յաթաղանի սրի տա՞կ։ Այդպիսի բան չի կարող լինել»,- խորհրդարանական ճեպազրույցում անդրադառնալով Ալիևի՝ անվտանգության գոտուց հայկական ուժերը հանելու վերաբերյալ հայտարարությանը, ասաց Ազգային ժողովի պաշտպանության և անվտանգության հարցերի հանձնաժողովի նախագահ Անդրանիկ Քոչարյանը։
«Ինձ շատ ավելի շատ մտահոգում են մեր ներքին «բայրաքթարները»,- աաց Անդրանիկ Քոչարյանը՝ նկատի ունենալով Վազգեն Մանուկյանի՝ օրերս տարածած այն հայտարարությունը, որ ստեղծված իրավիճակում կառավարությունը պետք է հրաժարական տա՝ բանակին հանձնելով ողջ իշխանությունը:
«Ես տեսնում եմ, որ ներքին կյանքում այլ զարգացումների հնչողություն տված գործընթացներ են գեներացվում: Ներքին «բայրաքթարները» շատ ավելի վտանգավոր են, քան՝ օդում թռչողները, որովհետև գետնի վրա են գործում: Այդ ուժերը չեն հանգստանում իրենց՝ մերժված լինելու հանգամանքից», – ասաց բանախոսը:
